Posts

Showing posts from December 5, 2010

பெண்பார்க்கும் படலம்

Image
பெண்பார்க்கும் படலம்

ஆண்களுக்கும் தான் வேதனை பெண்பார்க்கும் படலம்...
காலையில் எழுந்து மீசைதிருத்தி முகம்வழித்து துணி தேய்த்து அலங்கரித்து பரிட்சைக்கு செல்லும் புது மாணவனின் மனோபாவத்துடன் பெண் பார்க்க போனேன்..
ஆட்டோகாரனிடம் பேரம் பேசி தேய்த்த துணி கசங்காமல் உடலை உள்ளே திணித்து இறங்கியவுடன் தலை சரி செய்து பெண் வீட்டில் நுழைந்தால்..
முன்னமே புகைப்படம் அனுப்பியும் பெண்ணின் உறவினர் கேட்பார் இதில் யார் பையன்?
கூச்சமாய் கொஞ்சம் நெளிந்து இருக்கையில் அமர்ந்ததும் பெண்ணின் அப்பா ஆரம்பிப்பார் பையனுக்கு எங்கே வேலை? என்ன சம்பளம்? என்ன படித்திருக்கிறான்? கேள்விகள்... கேள்விகள்....
இவையெல்லாம் முடிந்து பெண் வருவாள்....
மற்றவர் நம்மை கவனிக்கிறார்கள் என்ற கூச்சத்துடன் ஒரு படப்படப்புடன் இருக்கையில் பெண் வந்து சென்றிருப்பாள் சரியாக பார்க்கவில்லையோ....
பெண்ணிடம் ஏதாவது பேச வேண்டும் இல்லையெனில் ஊமை என்று ஆகிவிடும் நம் நிலைமை அதற்காய் அசட்டுதனமாய் சில கேள்விகள் கேட்டதும் முடிவுக்கு வரும் பெண்பார்க்கும் படலம்
வெளியே வந்ததும்
பெண் கொஞ்சம் உயரம் கம்மி தான் என் அம்மா..
பெண்ணின் அப்பா சரியாக பேசவில்லை என் அப்பா..
பெண்ணின் முடி நீளமில்லை என் தங்கை..
ம்.…

பிள்ளைப்பருவம்

Image
பிள்ளைப்பருவம்
பிள்ளை பருவம் அது...
மழை பிடித்தது வெயில் பிடித்தது மண் பிடித்தது மரம் பிடித்தது குளம் பிடித்தது
சின்னதாய் நண்பர் கூட்டம் பாசியாறி படுத்து உறங்க பக்கத்து விட்டுத் திண்ணை
பாதியில் மறந்து போன பள்ளிக்கூட பாடம் உண்டு பையில்
பள்ளிச் செல்லும் பாதையெங்கும் பார்வை மேயும் பார்த்த பொருள் எல்லாம் வாங்க தோன்றும்
இல்லாத காசுக்காய் ஏங்கிய மனம் இன்றும் உண்டு அந்த ரணம் மனதில்...
மழைக்காலம் அது ஒலை குடிசை தனில் நனையாத இடம் தேடி அணைத்துப் படுத்துக் கொள்ள அன்னை உண்டு அருகில்...
பண்டிகை என்று ஒருநாள் புது துணியின் கனவு வந்து கண்ணில் நிற்கும் துவைத்து என் தாய் தருகையில் அதுவும் புது துணிதான் இன்றும்...
பிள்ளை பருவம் அது.... ரா.கிரிஷ்

பருவகாலம்

Image
பருவகாலம்
பருவக் காலத்தில் வந்து சொல்லும் பறவைகள் போல் என் பருவ வயதில் வந்து சென்ற காதல் அது!
படிப்பதில் கவனம் செல்லவில்லை
உறங்குவதில் கவனம் செல்லவில்லை
பார்வைகள் எல்லாம் என்னில் பதிவதாய் ஒரு எண்ணம்
பசியென்ன என்பதை அறியாது போனேன்
கவலைகள் இல்லா பருவம் அது
எதிர்காலம் பற்றிக் கவலையில்லை
நிகழ்காலம் ஒன்றே இன்பமாய் கண்முன்னே
இதோ பருவ காலம் முடியபோகிறது. . .
பறவைகள் எல்லாம் தன் பிறப்பிடம் நோக்கி பறக்க தொடங்கிவிட்டன. . .
என் காதலும். . .
ரா.கிரிஷ்